This Thursday, si Garret Bolden ang naghatid ng kantahang nakakakilig. Kilig din para sa Pilipinas ang ibinigay niya bilang isa sa mga naging kalahok sa international singing competition na Veiled Cup South Korea kung saan itinanghal na panalo ang isa pang pambato ng Pinas, si Arabelle Dela Cruz. Nakarating si Garret sa semi-finals ng Veiled Cup. Dapat itodo ang energy, 'yun bang abot-langit para ang swerte ay kumapit. Hindi pwede ang matamlay! Sabayan ang kulit level ng mga taga-Taytay na bumida sa 'Laro Laro Pick' game arena. Bunot for today's video si Vhong Navarro, na ibinuking ni Vice Ganda tungkol sa kanyang past. Nabanggit ni Meme na naging nobya ni Vhong ang aktres na si Desiree Del Valle, at maging ang 'di pinangalanang miyembro ng Sexbomb Girls ay nagkaroon umano ng 'something' with Vhong! Lover boy ang itawag natin kay Jojin, na matapos ang masakit na breakup sa ina ng kanyang tatlong anak, heto siya't muling umiibig habang itinataguyod ang mga anak na naiwan sa pangangalaga niya. Kinaaliwan din ng hosts si player Baby Joy, na para bang humihinga ang mga mata tapos nakakakita ang ilong. Paano nangyari 'yon?! Pangalan niya'y Nan, pero ang papremyo niya'y hindi "none" kung magiging matalino sa pagpili sa jackpot round. Alam ni Nan na masyadong malaki ang P100k Pot kumpara sa kinikita bilang construction worker, kaya hindi na niya ito pinakawalan. Ang Li-Pot offer na P20,000, kanyang tinanggihan. Wala namang masama kung susubukan! Ngunit dahil bigong masagot ang tanong tungkol sa ibig sabihin ng K sa K-12, unfortunately, hindi niya nakuha ang Pot money. Patuloy pa rin ang paghahanap ng kinatawan ng Gitnang Luzon sa 'Tawag Ng Tanghalan' Ika-10 Taon. Ang virtual assistant na si Mariah Fel, time out muna sa trabaho para kumanta sa entablado. "Killing Me Softly with His Song" ang piyesa na kanyang baon. Nakita naman nina hurado Bituin Escalante at JM Yosures at Punong Hurado Erik Santos ang potential ni Mariah, ngunit tila ba may kulang sa performance. Sabi ni Erik, 'soul' ang missing. Eh, kung si Jackie Gonzaga ang bibirit, siya na ba ang magiging bagong standard sa pagkanta? Bitbit ang pangarap sa pag-awit, lakas-loob na sinuong ni Carl Angelo ang hamon ng tanghalan. Hiling niya, sana'y manalo, at hindi lang basta mairaos ang pagkanta ng "Faithfully." Ngunit sa 'di inaasahang pangyayari, gong ang sumalubong sa kanya. Ipinaliwanag ni hurado Bituin Escalante kung gaano kahalaga ang 'support' sa mga mahihirap na piyesa tulad ng "Faithfully." Idiniin din ni Punong Hurado Erik Santos ang power ng tamang breathing technique. In-encourage naman ni Vice Ganda si Carl na bumalik nang mas mahusay. At para gumaan ang loob ni Carl, ikinuwento ni Meme ang nakakatawang pagkanta ni Jackie sa isang event. Dahil na-gong ang kalaban, ang naunang kalahok na si Mariah Fel ang itinanghal na panalo. ItsShowtimeOnline #ItsShowtimeFullEpisode #ABSCBNEntertainment #LabLabShowtime