Twinkle, twinkle! Kumikinang ang good vibes kasama ang 'Showtime' family! Nagningning din sa entablado ang charisma at talento ng P-pop group 1621. Inangkin nga nina Win, Migz, DJ, JM, at JC ang puso ng mga girlies, as they performed their latest song 'Manifest Mo Na 'Yan.' Ano bang gustong i-manifest ng grupo sa panibagong taon? Basta, una sa listahan, isang concert na pangmalakasan! All for good vibes ang mga 'kalokohan' kasama ang madlang players from Caloocan sa January 9 episode ng 'Laro Laro Pick' sa "It's Showtime." 'Naloka' si Vice Ganda sa pakikipag-usap kay Baby, ang solo parent na tindera ng hygiene products, dahil para bang nag-struggle sila sa connection. Kaya pabirong nag-react si Vice Ganda tungkol sa comprehension problem ng mga Pinoy. "'Yung pang-unawa na talaga ang problema sa Pilipinas," sabi ni Vice. "Nasa kinakain din 'yan, vitamins, at saka sa mga pinapanood sa social media." Balik kay Baby, pagkatapos ng tatlong beses nang pagpapaliwanag ay tila hindi pa rin niya naunawaan ang ipinupunto ni Vice Ganda na huwag niyang maliitin ang trabaho niya bilang tindera. Sa sobrang 'pagkaloka' ay pabirong hinimatay si Meme sa game arena. Nakilala rin natin si Neneng mananahi. Pati na ang government employee na si Otan, na 'kinabahan' sa interrogation ni Meme! Sa dulo, ang nagparaya na si Jeff ang kinapitan ng swerte. "Papunta na sa Aljur pero hindi natuloy," kung i-describe ni Vice Ganda ang charisma ni Jeff, isang mapagmahal na ama sa dalawang anak. Pagdating naman sa kanyang swerte, magtuloy-tuloy kaya ito? Sabi ni misis, POT, pero pinilli pa rin ni Jeff ang siguradong P25,000 kahit pa dinagdagan ni Vice Ganda ang jackPOT money from P100k to P105k. Good decision dahil aminadong hindi niya alam ang tamang sagot sa tanong! Kapit-bisig ang mga nagbabalik na tinig sa final wave ng 'Resbakbakan' round ng 'TNT Duets 2.' Ang mga hindi pinalad na duos mula Lunes hanggang Huwebes, muling nagharap-harap para sa isa pang spot sa weekly finals bago ang Huling Tapatan. Unang nagtanghal ang young singrs na sina Shawn Hendrix Agustin at Clet Nicole Fiegalan, na naghatid ng inspirasyon sa pag-awit ng "Maghintay Ka Lamang." As musical queens ang atake nina Patricia Ivy Penano at Aira Asuncion sa pagbirit ng "Queen of the Night" ni Whitney Houston. Komento ni Punong Hurado Ogie Alcasid, masyadong mababa ang key para kina Shawn at Clet. Pero sabi ni hurado Yeng Constantino, kahit gano'n ang nangyari ay ipinakita ng mga bata ang talino bilang mang-aawit dahil nag-improvise sila. At hindi tulad ng 'puksaan' nila kahapon, agree si hurado Erik Santos kay Yeng this time. Samantala, iisa ang opinyon ng mga hurado tungkol sa weak points nina Patricia at Aira. "Ain't No Way" ni Aretha Franklin ang napiling piyesa nina Almaerra Recentes at Angelica Magno, na mas kinakitaan ng vocal chemistry today. Lumiwanag ang entablado sa presensya at tinig nina Juliana Tagalog at Shane Castillo, na binigyan ng refreshing flavors ang "Buwan." Para kay hurado Yeng, sa pagitan ng dalawang duos na ito, mas nalinisan siya sa performance nina Juliana at Shane. Ang nanaig sa huling 'Resbakbakan' ay sina Juliana at Shane, matapos makakuha ng score na 95.3% Pinakamababang score, 91.3%, naman ang nakuha nina Aira at Patricia, samantalang 93.7% kina Almaerra at Angelica, at 93% ang kina Shawn at Clet.