Back to work at back to school na ang mga ‘main character’ matapos ang holiday vacation. Kaya back to kulitan na rin tayo sa “It’s Showtime!” Back to the outside world naman sina Rave Victoria at Anton Vinzon, ang latest evictees from “PBB Collab 2.0.” Reunited sila kina Marco Masa, Eliza Borromeo, Waynona Collinhs, Reich Alim, Iñigo Jose, at Lee Victor. Nagsama-sama ang ex-housemates sa “It’s Showtime” para sa isang fun sayawan. Ano nga ba ang goals nila this 2026? Ang number one sa kanilang bucket list, makagawa ng maraming projects! Bilang PBB ‘seniors,’ nagbigay rin sina Kim Chiu at Ryan Bang ng advice sa mga nakababatang housemates. From Pasay, with love and good vibes! Mga residente ng Pasay ang sumalang sa ‘Laro Laro Pick’ game arena. At parang déjà vu ang eksena nang makaharap ni Vice si player Vhec, na kamukha diumano ng babaeng kumuha ng video niya sa airport. ‘Forda’ laugh trip din ang banter nina Vice Ganda at Vhong Navarro. ‘Natameme’ si Meme Vice nang i-announce ni Vhong ang kinita ng MMFF 2025 movie ni Vice na “Call Me Mother.” Biro ng Unakabogable Superstar, baka pareho silang ipatawag ng MMDA o Metro Manila Development Authority, ang organizer ng MMFF, dahil sa walang prenong box office reveal ni Vhong. Sinakyan na lang ni Vice ang sinabi ng kaibigan. Pabiro namang ‘nanggigil’ si Meme kay player Luisa, na ‘gaya-gaya’ sa buhok niyang blondina. Game rin sa kulitan ang buko vendor na si JR, na makakatanggap ng regalo mula kay Ryan dahil ‘fudge’ ang tawagan nila ni misis. Showdown na lang! Sinong Kapampangan cutie ang magaling sa sayawan! Si Ion Perez ba o si Brent Manalo? Pero ang mga tubong Tarlac na gwapo, hindi inatrasan ng batang Pasay na si Mark. Hirit ni Meme, ganito ‘yung tinatawag na dirty dancing! Pagdating sa ‘You Gotta Lyric,’ si Meme, in-update ang playlist! May bagong version na pala ng ‘We Are Family’? Umabante sa jackpot round ng ‘Laro Laro Pick’ ang e-tricyle driver na si Lotsku. Kung siya’y makakahawak ng malaking halaga ng pera, uunahin niyang bayaran nang buo ang e-tricycle niya at maglalaan syempre ng panggastos para sa pamilya. Sobrang sweet naman ni Lotsku at ni misis. Kaya ang asaran, napunta kay Kim Chiu. Paano nga ba mag-‘I love you’ ang Chinita Princess? Sabi ni Kim, kung noon siya’y pa-sweet, this 2026, try naman niya ‘yung ‘I love you’ na pagalit! Matapang na tinanggihan ni Lotsku ang P35,000 para sa P150k Pot question, ngunit bigo siyang masagot ito nang tama. Pero dahil birthday niya sa January 15, bibigyan siya ni Vice Ganda ng maagang regalo. Nagsimula na ang Resbakbakan round ng ‘TNT Duets 2.’ Walong duos na minsang hindi pinalad sa entablado ang nagbabalik para sa pagkakataon na makasali sa nalalapit na Huling Tapatan. Ang unang nabunot ay duo ng mga batang mang-aawit na sina Shawn Hendrix Agustin at Clet Nicole Fiegalan, na inawit ang “Himala.” Dahil sila ang unang nabunot, may pagkakataon silang pumili ng makakalaban at napili nila ang duo nina Sendhara Trillanes at Romeo Ramos. Pagkatapos ng performance nina Shawn at Clet, ‘naloka’ si Meme nang mag-‘may I go out’ si Shawn dahil masakit ang tiyan. Sabi ni Punong Hurado Louie Ocampo, ito marahil ang dahilan kung bakit hindi nasu-sustain ni Shawn ang mga nota. Subalit para kay hurado Bituin Escalante, anuman ang naging ‘kulang’ ni Shawn ay bawing-bawi naman sa musicality. Inawit naman nina Romeo at Sendhara ang “The Power of Love.” Bagama’t nabilangan, naitawid nila ang performance hanggang finish line. Paliwanag ni hurado Nyoy Volante, sadyang may narinig silang isang pagkakamali na dapat bilangan pero ang ginawa ng duo before and after that count was nothing but mesmerizing. Ayon sa mga hurado, pantay na pantay ang laban. Pero sa huli, mas umangat ang duo nina Romeo at Sendhara sa score na 93% laban sa 93% nina Shawn at Clet. #ShowtimeTogetherForever #ItsShowtime #ABSCBNEntertainment