It’s a DRAGulous day sa episode na unang ipinalabas noong December 5, 2025. And who better to open the fun than the Unkabogable Superstar herself, Vice Ganda, na reynang-reyna ang dating while singing. Call her 'Majesty'! Call her 'Fanotra Phenomena'! Ang bonggang mothering ni Meme sa entablado, sinundan ng isa-isang pagpasok ng mga drag superstars. NagPAKsikat sina Eva Le Queen, Turing, Shewarma at Popstar Bench. Fun and flirty ang energy nina Khianna at Angel Galang, at mas naging DRAGulous pa ang House of Ganda sa pagpasok nina Hana Beshie, Matilduh at Minty Fresh. Forda fierce naman ang arrive mga GOAT drag performers na sina Precious Paula Nicole at Viñas Deluxe. Extra fabulous pa ang DRAGpasikat dahil sa transformation ng Showtime boys na kinarir ang pagiging drag queens from head to toe. DRAGlamorous sina Jugs Jugueta as Erica Eureka, Vhong Navarro as Glutanya Lopz, Ogie Alcasid as Chona Agachona, Teddy Corpuz as Grande Ilongga at Ryan Bang as Unnie Batungbakal. At lalaban kay Beyoncé ang moves ni Jhong Hilario bilang Matamorphosis. Nagpatuloy ang makulay na SLAYbration sa "Laro Laro Pick" segment kung saan bumida ang mga Solid Showtimers mula Mindanao. Biro ni Vice Ganda, ramdam na talaga ang edad nila sa kuwento ni player Maythan na bata pa lang ay pinapanood na ang programa lalo na noong O.T. era na umaabot hanggang alas kuwatro ng hapon ang kulitan at bardagulan. Para naman kay Solid Showtimer Tessy, hindi lang basta good vibes at tawanan ang sinusundan niya sa show, kundi talagang minahal na niya ang mga hosts nito. Ipinagdasal niya si Vhong nang dumaan ito sa matinding pagsubok, at sinubaybayan ang journey ni Jhong from hurado to politiko at ngayon bilang daddy kay Sarina. Eh, ano naman ang paborito niyang era ni Vice Ganda? Wala na ngang nagawa si Meme nang patunayan ni Tessy kung gaano siya kaseksi! Sa "Laro Laro Pick" first game na "Illuminate or Eliminate," sa swerte ay dapat kumapit para ang tamang kahon ay lumapit. Tamang sagot naman ang dapat bigkasin para hindi pauwiin sa "It's Giving" kung saan ang kategorya ay mga kasalukuyang pangalan ng probinsya sa isla ng Mindanao. At sa "You Gotta Lyric," naka-perfect ang 6 remaining players dahil ang piyesa sa sing-along ay 'yung kinakanta nila 6 times a week–ang "It's Showtime" theme song. Pagdating ng "PILImination," kanya-kanya na silang dama ng aparisyon. Meron daw pinagparamdaman ng divine spirit? Lahat sila ay blessed pero ang itinadhanang maglaro sa jackpot round ay si Angela. Sa “Laro Laro Pick” jackpot round, naikuwento ni Angela, mula Sultan Kudarat, na isa siyang MAPEH teacher sa isang public school. Sa simula pa lang ay buo na ang loob ni Angela na pipiliin niya ang P1 million POT question, kaya si Anne Curtis na lang ang sumuko sa pagbibigay ng Li-Pot offer. Wagi ang malakas ang loob! Sa tanong na, “Sinong It’s Showtime host ang may real first name na Herminio?” agad sumagot si Angela ng “Ogie Alcasid” na sakto dahil isa sa mga idolo niya. Pero napuno ng kaba si Angela nang magbiro si Vice at baguhin ang tanong on the spot! It’s a prank, Ma’am Angela! Tama ka talaga! Isang public school teacher ang bagong milyonaryo! #ItsShowtimeOnline #ItsShowtimeFullEpisode #ABSCBNEntertainment