Kumikinang with a 'winner's glow' ang pinakabagong mga kampeon ng tanghalan, Arvery Lagoring at Christian Tibayan, na muling ipinarinig ang kanilang winning piece "Kapag Ako Ay Nagmahal." Kinumusta ng 'Showtime family ang grand champion duo ng TNT Duets 2. Ikinuwento nila ang mga pinagdaanan sa kanilang journey bilang kontesero’t kontesra. Sina Christian at Arvery ang patunay na 'everything happens in His time.' Sabi nga ni Kim Chiu, "Everything that is happening in your life is never a rejection. It is just a redirection." May bagong entry ang Chinita Princess, kaya ang Showtime family, napa-‘wow’ sa kanyang sinabi! Mula sa Lion City of the South, dumayo sa 'Laro Laro Pick' game arena ang mga taga-Sta. Rosa, Laguna para maghatid ng good vibes at subukan ang kanilang swerte. Nag-uumapaw ang kilig sa tanghaling tapat dahil sa nakakaaliw na kuwento ni player Malou, isang housewife. Dalawang dekada na silang magkasama ni mister. Ang paborito nilang gawin pagkatapos ng trabaho? Syempre, mag-sweet-sweet-an! Biniro ni Vice Ganda si Malou at tinanong kung kailan huling naglambing si mister. Ang kanilang usapan, siguradong inyong kaaaliwan! Samantala, milyun-milyong netizens na ang naaliw sa recent trending reel nina Vice Ganda, Vhong Navarro at Darren Espanto. May nakakatawang banter ang tatlo nang mapag-usapan ang video. May panawagan pa si Darren tungkol dito! Mukhang swerte ang dala ng 'lambingan' dahil si Malou ang umabante sa jackpot round kung saan P250,000 ang jackPOT money na naghihintay. Matagal-tagal pinag-isipan ni Malou kung alin ang pipiliin. Nagpalipat-lipat hanggang sa tinanggap ang P35,000 Li-Pot offer. Good decision! Congratulations, Malou, sa'yo ang P35,000! Sa ika-10 taon ng ‘Tawag Ng Tanghalan,’ isang panibagong edisyon ang binuksan para sa mga mang-aawit na magmumula pa sa iba't ibang rehiyon ng Pilipinas. Sinimulan ng mga pambato ng NCR ang bagong yugto ng TNT. Para kay Vergel De Guzman, ito na ang last chance niya to pursue singing. Kaya itinodo niya ang galing sa pagkanta ng "Beggin.'" Sinaluduhan ni hurado Sofronio Vasquez si Vergel, "Congratulations kasi binuksan mo 'yung ika-10 taon ng Tawag Ng Tanghalan with a bang!" Parehong positibo ang komento nina Sofronio at JM Yosures. Bahagyang kumontra si Punong Hurado Louie Ocampo. Aniya, narinig niyang "pilit" ang garalgal ng boses ni Vergel. Nakalaban niya si Sidro Quilicol ng Paranaque City, na inawit naman ang "How Do You Heal a Broken Heart." Kung smooth ang pagkanta ni Sidro, nag-struggle naman siya sa connection with the 'Showtime' hosts nang pag-usapan ang kanyang buhay pag-ibig. Kaya biro ni Maestro Louie, "Nakakainis kang kausapin, mabuti na lang magaling kang kumanta… Nakakapikon 'yung mga sagot." Pero bumawi ang Punong Hurado at sinabing nagandahan siya sa boses ni Sidro at nagalingan sa performance nito. Si Sidro ang kauna-unahang panalo sa ika-10 taon ng TNT matapos makakuha ng markang 91.3% laban sa 89.3% na nakamit ni Vergel. #ShowtimeNaToOh #ItsShowtime #ABSCBNEntertainment