Upang salubungin ang panibagong buwang ito, bumisita ang legendary OPM alternative rock band na The Dawn na nagdiriwang ng kanilang 40th anniversary this year! Bilang patikim sa kanilang paparating na concert, oinerform nila ang tatlo sa mga sikat nilang awitin na “Tulad ng Dati,” “Iisang Bangka,” at ilang linya mula sa kanilang classic hit na “Salamat.” Labindalawang contestants lang muna ang naglaro at nagtagisan upang umabot sa jackpot round dahil sa pagsisimula ng “Tawag ng Tanghalan” Season 10 national finals ngayong araw. Sa kanilang pakikipagkuwentuhan kina contestants Ace at Jie, napa-reminisce si Vice Ganda sa kanyang kabataan, partikular na sa kanyang estudyante days! Comedy man ang majority ng kanilang usapan, hindi natapos ang mga ito nang walang words of wisdom mula sa “Unkabogable Star”. Pinayuhan niya silang dalawa na mag-aral nang mabuti at magsumikap na maka-graduate upang maging maganda ang kanilang kinabukasan. Sa huli, si contestant Jaja lamang ang nakakuha ng tamang sagot kaya diretso na siya sa jackpot round. Hinikayat man siya ng hosts ng piliin ang LI-POT at tanggapin ang offer nilang P25,000, mas pinili pa rin ni Jaja na mag-take ng risk at mag-POT. Sa kasawiang-palad, nabigo siyang sagutin nang tama ang katanungan tungkol sa probinsya sa Pilipinas na nag-host ng Palarong Pambansa 2026, kung saan ang tamang sagot ay “Agusan del Sur.” Hindi man niya naiuwi ang jackpot, nag-pledge naman ang hosts na sina Vice Ganda, Kim Chiu, at Jhong Hilario na magbigay ng tig-P10,000 sa kanya bilang tulong sa kanya at kanyang pamilya. Para sa unang araw ng “Tawag ng Tanghalan” Season 10 national finals, sina Von Kierulf ng Samar, Yannie Paul Basical ng Bataan, at Omaira Bayan ng Zamboanga del Sur ang nagharap-harap upang malaman kung sino sa kanila ang unang dalawang mapapasama sa week-long grand finals. Ang powerful performance ni Von ng “Mahal Kong Pilipinas” ni JMara ay nagkamit ng 93%, habang ang impressive rendition naman ni Yannie ng “Rise Like A Phoenix” ni Conchita Wurst ay nakatanggap ng 94.7%. Samantala, si Omaira ay nakakuha ng 90.7% para sa pag-awit niya ng “Sign of the Times” ni Harry Styles. #TNT10NationalFinals #ItsShowtimeFullEpisode #ABSCBNEntertainment