Suntok sa buwan man ang pagsugal sa jackPOT question, pero siguradong knock out sa saya ang mga eksena sa 'Laro Laro Pick' game arena kasama ang mga players na estudyanteng atleta. Ang guest player na si Negi, napasabak sa pisikalan with Chino, ang chinitong judo player. Pero mukhang hindi ininda ni Negi ang sakit ng katawan. Interesting din ang field ni Hana na walkathon. Mga yantok naman ang first love ng arnis player na si Joana. Dahil sa pagiging atleta niya, nalilibot niya ang buong mundo at libreng nakakapag-aral. Nangolekta na rin siya ng gold medals sa iba't ibang patimpalak sa bansa. Game na nag-sample si Joana. But, of course, kailangan ng kalaban. Negi, keri mo na 'yan! Dalawang barako ang kinalaban ni KC, badminton varsity player, sa PILImination. Pero sa tulong ng kapares niyang si Cianne Dominguez, siya ang nanguna sa laban at umabante sa jackpot round. Bigo si KC na masagot nang tama ang P300k Pot question. Pero nakapangako na siyang ililibre ang mga co-players kapag nakuha ang malaking kuwarta. 'Di bale, to the rescue si Darren Espanto. Sagot na niya ang meryenda ng buong grupo! Limang hiyas ng Gitnang Visayas ay nagbalik upang maglaban-laban sa ika-pitong Regional Finals ng 'Tawag Ng Tanghalan.' Buena mano sa entablado ang loving daddy mula sa isang isla, si Moises Daug, na hinarana ang hurados sa awiting "Have I Told You Lately That I Love You." Nagliwanang ang husay ni Craig Dignos sa kanyang rendisyon ng "Buwan" ni Juan Karlos. Senior citizen man sa edad, pero nakipagsabayan sa charisma ng mga nakababatang kalahok si Hipolito Canada na ipininta ang larawan ng masayang pag-ibig sa awiting "Ngayon at Kailanman." Ang huling dalawang kalahok na sina Dave Nomo na humugot ng "Dancing on My Own," at Edzeil Aguilar na binigyang buhay ang "Ika'y Mahal Pa Rin." Sabi ng mga hurado, pinatunayan ng limang mang-aawit ang husay ng mga Bisaya sa musika, dahil ni isang beses ay hindi sila nabilangan. Lahat ay magagaling, pero isa lang ang pwedeng itanghal na panalo. Si Craig ang may pinakamataas na marka sa entablado. #ShowtimeRegion7Na #ItsShowtimeFullEpisode #ABSCBNEntertainment